Koncert festiv i shkollës Shqiptaro - Amerikane “Protagonistët"

Çdo vit për Krishtlindje Shkolla Shqiptaro - Amerikane “Protagonistët”, në Tiranë, organizon një koncert të bukur e të pasur.

Kjo traditë u ndoq edhe këtë vit dhe të martën pasdite, 20 dhjetor 2016, qindra fëmijë, prindër, mësues etj., u mblodhën për t’i ndjekur në amfiteatrin e Qendrës Kulturore të Katedrales “Ngjallja e Krishtit. Programi i paraqitur ishte i pasur me këngë, poezi, humor etj., dhe përveç se në shqip vogëlushët recituan e kënduan edhe në anglisht e greqisht, gjuhë që i kanë në programin mësimor.

Mes tyre, si gjithmonë, ishte edhe Kryepiskopi Anastas, i cili në fund të shfaqjes u ngjit në skenë për t’i uruar dhe ndarë bashkë me ta gëzimin e festave.